1. Muallif tomonidan taqdim etilayotgan ilmiy maqola mavzusi “Raqamli taraqqiyot va bioiqtisodiyot” ilmiy-elektron jurnalining yo‘nalishiga mos kelishi lozim.
2. Maqolalar empirik va fundamental tadqiqotlar, keys-stadi, adabiyotlar sharhi, meta-analiz, nazariya, amaliyot, uslubiyot va ilmiy taqriz kabi yo‘nalishlarni qamrab oladi.
3. Maqola qo‘lyozmasi avval nashr qilinmagan va bir vaqtda boshqa jurnalga taqdim qilinmagan bo’lishi kerak.
4. Maqola xalqaro andozalar talabi doirasidagi quyidagi aniq bandlarga ega bo‘lishi tavsiya etiladi: Maqola mavzusi. Maqola mavzusi imkon qadar qisqa va lo‘nda ko‘rinishda shakllantirilgan bo‘lib, maqolaning tadqiqot yo‘nalishini aniq ifoda etishi lozim (o‘zbek, rus va ingliz tillarida). Tematik rubrikator. UO‘K – universal o‘nlik klassifikator (УДК). har bir maqola boshida UO‘K raqami qo‘yilishi lozim. Maqola muallifi to‘g‘risida ma’lumot. Ushbu qismda muallifning ismi va familiyasi, tegishliligi (ya’ni, ish joyi yoki tahsil olish joyi, bunda faqatgina tashkilot nomi qisqartmalarsiz to‘liq yoziladi), elektron pochta manzili, ORCID raqami va muloqot telefonlari kiritiladi (barchasi o‘zbek, rus va ingliz tillarida). Maqola annotatsiyasi. Maqola annotatsiyasi 100 so‘zdan oshmagan holda maqolaning qisqacha mazmunini yoritadi. Unda tadqiqot muammosi, uning dolzarbligi, qo‘llanilgan metodologiya, olingan natijalar hamda muallifning ilmiy va amaliy hissasi qisqacha bayon etiladi. Annotatsiya o‘zbek, rus va ingliz tillarida taqdim etiladi. Kalit so‘zlar. Tayanch so‘zlar maqola mazmuni va maqsadini eng qisqa mazmunda ochib beruvchi kalit so‘zlar hisoblanadi. Тayanch so‘zlarning har biri asosiy matn tarkibida o‘rtacha 5-10 marta takrorlanishi tavsiya etiladi (o’zbek, rus va ingliz tillarida). Kirish. Kirish qismida asosan tadqiqot muammosi, uning maqsad va vazifalari yoritiladi. Mazkur qism tadqiqot mavzusining tanlanish asosi, uning dolzarbligi va ilmiy ahamiyatini tushuntirib beradi. Bundan tashqari, kirish qismida tadqiqot obyektining qisqacha tavsifi keltiriladi Adabiyotlar sharhi (uslubiy materiallar sharhi). Mavzuga oid adabiyotlar sharhi tadqiq etilayotgan muammo yuzasidan muallifning bilim va tasavvurlarga ega ekanini namoyon etuvchi qism hisoblanadi. Adabiyotlar sharhi mavjud intellektual hudud doirasini baholash va shu asosda ma’lum xarita yaratishni anglatadi. Adabiyotlarning sharhida tanqidiy tahlil amalga oshirilib, uning maqsadi mazkur mavzu doirasidagi bilimlarni kuchaytirish va tadqiqot savollarini yanada oydinlashtirish hisoblanadi. O‘z mazmuniga ko‘ra har qanday tadqiqot ayni shu sohada yaratilgan avvalgi bilimlar negiziga quriladi. Adabiyotlar bo‘yicha tahlil asosan sohadagi eng yangi jurnal maqolalari va boshqa turdagi ma’lumot manbalari asosida amalga oshadi (mavzuga oid maqolalarni kalit so‘zlar yordamida scholar.google.com qidiruv tizimidan topish mumkin). Tadqiqot metodologiyasi. Tadqiqot metodologiyasi tadqiqotning umumiy yo‘li va natijaga olib boruvchi rejasidir. U tadqiqot falsafasi va yo‘nalishini belgilash, dizaynni ishlab chiqish, ma’lumot yig‘ish usullarini tanlash, tadqiqot obyekti va manbalarini aniqlash hamda strategiyani (kuzatish, eksperiment, so‘rovnoma va boshqalar) tanlashni o‘z ichiga oladi. Metodologiyaning mukammalligi tadqiqot natijalarining ishonchliligi va aniqligi bilan belgilanadi. Tahlil va natijalar muhokamasi. Tadqiqotning tahlil qismi tadqiqot metodologiyasida avvaldan belgilab olingan tahlil usullari (matematik modellar va boshqalar) orqali yig‘ilgan ma’lumotlarning tahlilini amalga oshiradi. Bunda faqatgina tahlil usulining natijalari ifoda etiladi; topilgan natijalar bo‘yicha muhokama maqolaning keyingi qismining vazifasi hisoblanadi. Tahlil qismi natijalari mavzuga oid adabiyotlar tahlili natijalari va xulosalariga taqqoslash hamda shaxsiy fikrlar orqali muhokamasini nazarda tutadi. Ushbu qism tadqiqot natijalarini izohlash vazifasini bajaradi. Xulosa va takliflar. Tadqiqotning maqsad, vazifalarining anglashilganligi hamda tadqiqot savollarining o‘z javobini topganligi, tadqiqotning asosiy natijalariga va tadqiqotning umumiy jarayoniga umumiy xulosalar, shu bilan birga, takliflar va ayni tadqiqotdan kelib chiqqan holda kelajak tadqiqot ishi yo‘nalishlari maqola xulosa va takliflari qismining asosini tashkil etadi. Foydalanilgan adabiyotlar ro‘yxati. Bu qism tadqiqotda foydalanilgan barcha adabiyotlarning ro‘yxatini e’lon qiladi. Maqolada foydalanilgan barcha havolalar bu qismda alifbo ketma-ketligida Garvard shakli talablarida qayd qilinadi. Foydalanilgan adabiyotlar soni 10 tadan ko‘p, shundan kamida 50 %i so‘nggi 5 yil davomida chop etilgan ilmiy adabiyotlar va kamida 30 %i xorijiy adabiyotlar bo‘lishi maqsadga muvofiq. Maqola matni kamida 70% muallifning shaxsiy izlanishlari natijasiga asoslanishi lozim. Topshirilgan maqolalar antiplagiat uchun tekshirilganda belgilangan meʼyordan past boʻlganlari nashr etilmaydi va toʻlov qaytarilmaydi. Jurnal muntazam ravishda maqolalarni plagiat uchun tekshiradi.
1. Maqola matni shrifti “Times New Roman”da, 14 kegelda bo‘lib, qatorlar oraliqlari masofasi 1 intervalda bo‘lishi tavsiya etiladi. Maqola matni sahifasining barcha (o‘ng, chap, yuqori va quyi) tomonidan 2 santimetrdan iborat masofa qoldiriladi. Maqolaning maksimal hajmi cheklanmagani holda, eng minimal hajmi 8 betdan kam bo‘lmasligi tavsiya etiladi.
2. Maqolada jadval nomlari uning yuqori qismida, rasmlar nomlari ularning quyi qismida beriladi.
3. Maqola ichida beriluvchi havolalar Garvard shakli (Harvard style) talablari asosida quyidagicha beriladi: Yagona muallifli maqola uchun (Familiya, yili) – masalan (Ahmedov, 2014); Ikki muallifli maqola uchun (Familiya va Familiya, yil) – masalan (Ahmedov va Sobirov, 2013); Ikkitadan ortiq muallifli maqola uchun (Familiya va boshq., yil) – masalan (Ahmedov va boshq., 2013); Bir nechta alohida maqolalar uchun (Familiya, yil; Familiya, yil… (alifbo tartibida)) – masalan (Ahmedov, 2014; Sobirov, 2013; …)
4. Maqolalar o‘zbek, rus, yoki ingliz tillarida taqdim etilishi mumkin.
5. Belgilangan talablarga javob bermaydigan maqolalar taqrizchilarga taqdim etilmaydi va tahririyatning talablarga javob bermaslik haqidagi xulosasi bilan muallifga qayta ishlash uchun qaytarib yuboriladi.
6. Barcha maqolalar tahririyat tomonidan taqrizdan o'tkaziladi. Zarur hollarda ekspertlarga yuborib taqrizdan o'tkazilishi mumkin. Tahririyat tomonidan taqrizdan o‘tgan va nashrga tavsiya etilgan maqolalarda keltirilgan dalillar va ma’lumotlar uchun muallif javobgar hisoblanadi.
7. Maqola nashr etish bilan bog‘liq barcha jarayonlar har bir maqola uchun to‘lov evaziga amalga oshiriladi.

📌 Rahbariyat

Tahrir kengash raisi: i.f.d., prof. Maxkamov Baxtiyor Shuxratovich

Bosh muharrir: i.f.d., prof. Toʻrayev Shavkat Shuxratovich

---

📋 Tahrir kengashi a’zolari